Kannada news - Suddi Mane is a live Kannada news portal offering Kannada news online, Movie News in Kannada, Sports News in Kannada, Business News In Kannada etc

ಡಿಡಿಪಿಐ ಬಸವರಾಜ ನಾಲತವಾಡ ಲೋಕಾಯುಕ್ತ ಬಲೆಗೆ.!

 

ಬೆಳಗಾವಿ:ಬೆಳಗಾವಿ ಶೈಕ್ಷಣಿಕ ಜಿಲ್ಲೆಯ ಸಾರ್ವಜನಿಕ ಶಿಕ್ಷಣ ಇಲಾಖೆಯ ಉಪನಿರ್ದೇಶಕ (ಡಿಡಿಪಿಐ) ಬಸವರಾಜ ನಾಲತವಾಡ ಅವರು ಖಾಸಗಿ ಶಾಲೆಗಳ ಮಾನ್ಯತೆ ನವೀಕರಣಕ್ಕಾಗಿ ಲಂಚ ಸ್ವೀಕರಿಸುತ್ತಿದ್ದಾಗ ಲೋಕಾಯುಕ್ತ ಅಧಿಕಾರಿಗಳಿಗೆ ಸಿಕ್ಕಿಬಿದ್ದಿದ್ದಾರೆ.

ಚೆನ್ನಮ್ಮನ ಕಿತ್ತೂರಿನ ತುರುಮುರಿಯಲ್ಲಿರುವ ವಿಶ್ವವಿದ್ಯಾಚೇತನ ನವೋದಯ ಮಾದರಿ ಪ್ರಾಥಮಿಕ ಶಾಲೆಗೆ ಮಾನ್ಯತೆ ನೀಡಲು ಬಸವೇಶ್ವರ ಶಿಕ್ಷಣ ಸಂಘದ ಅಧ್ಯಕ್ಷ ಅರ್ಜುನ್ ಕುರಿ 40 ಸಾವಿರ ಲಂಚ ಕೇಳಿದ್ದರು ಎಂದು ದೂರುದಾರರು ತಿಳಿಸಿದ್ದಾರೆ.

ದೂರಿನ ಮೇರೆಗೆ ಇನ್ಸ್ ಪೆಕ್ಟರ್ ಉಸ್ಮಾನ್ ಅವಟೆ ಹಾಗೂ ಸಿಬ್ಬಂದಿಗಳನ್ನೊಳಗೊಂಡ ಲೋಕಾಯುಕ್ತ ಪೊಲೀಸರು ನಾಲತವಾಡ ಕಚೇರಿಯಲ್ಲಿ ಲಂಚ ಸ್ವೀಕರಿಸುತ್ತಿದ್ದಾಗ ಬಲೆ ಬೀಸಿ ಹಿಡಿದಿದ್ದಾರೆ.

ಕೆಲ ತಿಂಗಳ ಹಿಂದೆ ಡಿಡಿಪಿಐ ಹುದ್ದೆಗಾಗಿ ಬಸವರಾಜ ನಾಲತ್ವಾಡ ಹಾಗೂ ಎ ಬಿ ಪುಂಡಲೀಕ ನಡುವೆ ತೀವ್ರ ಜಟಾಪಟಿ ನಡೆದಿದ್ದನ್ನು ಇಲ್ಲಿ ಉಲ್ಲೇಖಿಸಬಹುದು.

ಕಾಂಗ್ರೆಸ್ ಸರ್ಕಾರ ಅಧಿಕಾರಕ್ಕೆ ಬಂದ ನಂತರ ನಾಲತವಾಡ ಅವರಿಗೆ ಹುದ್ದೆ ತೋರಿಸದೆ ವರ್ಗಾವಣೆ ಮಾಡಲಾಗಿದೆ. ಅವರ ಸ್ಥಾನದಲ್ಲಿ ಪುಂಡಲೀಕರನ್ನು ನೇಮಿಸಲಾಯಿತು.

ನಾಲತ್ವಾಡ್ ಅವರು ಕೆಎಟಿಯಿಂದ ಅನುಕೂಲಕರ ಆದೇಶವನ್ನು ಪಡೆದ ನಂತರ ಬೆಳಗಾವಿ ಡಿಡಿಪಿಐ ಆಗಿ ಮುಂದುವರಿದರು.