ಬೇಕಾಗುವ ಪದಾರ್ಥಗಳು…
- ಸಾಂಬಾರ್ ಸೌತೆ ಅಥವಾ ಮಂಗಳೂರು ಸೌತೆ -1 ಮಧ್ಯಮ ಗಾತ್ರದ್ದು
- ನೆನೆಸಿದ ತೊಗರಿ ಬೇಳೆ- 1/4 ಬಟ್ಟಲು
- ತೆಂಗಿನ ತುರಿ- 1/2 ಬಟ್ಟಲು
- ಕೆಂಪು ಮೆಣಸಿನ ಕಾಯಿ- 3-4
- ತೊಗರಿ ಬೇಳೆ- 2 ಚಮಚ
- ಉದ್ದಿನ ಬೇಳೆ- 1/2 ಚಮಚ
- ದನಿಯಾ- 2 ಚಮಚ
- ಮೆಂತ್ಯ-8-10 ಕಾಳು
- ಅರಿಶಿಣ- ಸ್ವಲ್ಪ
- ಬೆಲ್ಲ-1 ಚಮಚ
- ಇಂಗು-ಸ್ವಲ್ಪ
- ಅಡುಗೆ ಎಣ್ಣೆ-1 ಚಮಚ
ಮಾಡುವ ವಿಧಾನ…
- ತೊಳೆದ ಸೌತೆಕಾಯಿಯನ್ನು ಕತ್ತರಿಸಿ ಮಧ್ಯದ ತಿರುಳು ತೆಗೆದು ಸಣ್ಣ ಹೋಳುಗಳನ್ನಾಗಿ ಕತ್ತರಿಸಿಕೊಳ್ಳಿ. ಬಳಿಕ ಸೌತೆಕಾಯಿ, ನೆನೆಸಿದ ಬೇಳೆಯನ್ನು ಕುಕ್ಕರ್ ಗೆ ಹಾಕಿ ಅರ್ಧ ಬಟ್ಟಲು ನೀರು, ಚಿಟಿಕೆ ಅರಿಶಿಣ ಹಾಕಿ. ಒಂದು ವಿಸಿಲ್ ವರೆಗೆ ಬೇಯಿಸಿಕೊಳ್ಳಿ,
- ಈಗ ಬಾಣಲೆಯಲ್ಲಿ ಸ್ವಲ್ಪ ಎಣ್ಣೆ, ಸಾಸಿವೆ, ಕೆಂಪುಮೆಣಸಿನ ಕಾಯಿ, ದನಿಯಾ, ಉದ್ದಿನ ಬೇಳೆ, ಮೆಂತ್ಯ, ಇಂಗು ಹಾಕಿ ಹುರಿದಿಟ್ಟುಕೊಳ್ಳಿ.
- ಹೀಗೆ ಹುರಿದ ಮಸಾಲೆ ಹಾಗೂ ತೆಂಗಿನ ತುರಿಗೆ ಸ್ವಲ್ಪ ನೀರನ್ನು ಸೇರಿಸಿ ನುಣ್ಣಗೆ ರುಬ್ಬಿಕೊಳ್ಳಿ. ಬಳಿಕ ರುಬ್ಬಿದ ಮಸಾಲೆ ಮಿಶ್ರಣವನ್ನು ಬೇಯಿಸಿಟ್ಟುಕೊಂಡಿರುವ ಬೇಳೆ ಕುಕ್ಕರ್ ಗೆ ಹಾಕಿ. ರುಚಿಗೆ ತಕ್ಕಷ್ಟು ಉಪ್ಪು, ಬೆಲ್ಲ ಸೇರಿಸಿ. ಈಗ ನಿಮಗೆ ಸಾಂಬರ್ ಎಷ್ಟು ಬೇಕು ಅಷ್ಟು ಪ್ರಮಾಣದ ನೀರು ಸೇರಿಸಿ ಒಂದು ಕುದಿ ಬರುವವರೆಗೆ ಕುದಿಸಿ ಇಳಿಸಿ.
- ಇದಕ್ಕೆ ಚಮಚ ಎಣ್ಣೆ, ಸಾಸಿವೆ, ಕರಿಬೇವು, ಒಂದು ಕೆಂಪು ಮೆಣಸಿನಕಾಯಿ ಹಾಕಿ ಒಗ್ಗರಣೆ ಹಾಕಿ. ಇದೀಗ ರುಚಿಕರವಾದ ಮಂಗಳೂರು ಸೌತೆಕಾಯಿ ಸಾಂಬಾರ್ ಸವಿಯಲು ಸಿದ್ಧ.