ಪಾಕಿಸ್ತಾನದಲ್ಲಿ ಭದ್ರತಾ ಬೆಂಗಾವಲು ಪಡೆಯ ಮೇಲೆ ಆತ್ಮಾಹುತಿ ಬಾಂಬರ್ ದಾಳಿ – ಓರ್ವ ಯೋಧ ಸಾವು

ಇಸ್ಲಾಮಾಬಾದ್‌: ಮಂಗಳವಾರ ವಾಯುವ್ಯ ಪಾಕಿಸ್ತಾನದಲ್ಲಿ ಭದ್ರತಾ ಪಡೆಗಳ ಬೆಂಗಾವಲು ಪಡೆಯ ಮೇಲೆ ಆತ್ಮಾಹುತಿ ಬಾಂಬರ್ ದಾಳಿ ಮಾಡಿದ್ದು, ಕನಿಷ್ಠ ಒಬ್ಬ ಯೋಧ ಸಾವನ್ನಪ್ಪಿದ್ದು, ಹಲವರು ಗಾಯಗೊಂಡಿದ್ದಾರೆ. ಫ್ರಾಂಟಿಯರ್ ಕಾರ್ಪ್ಸ್ (ಎಫ್‌ಸಿ) ಪ್ರಧಾನ ಕಚೇರಿ ಇರುವ ಪೇಶಾವರದ ಐಷಾರಾಮಿ ವಸತಿ ಪ್ರದೇಶವಾದ ಹಯಾತಾಬಾದ್ ಟೌನ್‌ಶಿಪ್‌ನಲ್ಲಿ ದಾಳಿ ನಡೆದಿದೆ. ಅರೆಸೇನಾ ಪಡೆಗಳ ಎರಡು ವಾಹನಗಳನ್ನು ಧ್ವಂಸಗೊಳಿಸಲಾಗಿದೆ.