ದೇಶವನ್ನು ರಕ್ಷಿಸಲು ಯುದ್ಧ ಅಗತ್ಯ, ನಮ್ಮ ಮೇಲೆ ದಾಳಿ ಮಾಡಿ ಹಮಾಸ್ ದೊಡ್ಡ ತಪ್ಪು ಮಾಡಿದೆ.. ಯುದ್ಧ ಆರಂಭಿಸಿದ್ದು ಅವರು ಅದಕ್ಕೆ ಅಂತ್ಯ ಹಾಡೋದು ನಾವು ಎಂದು ಇಸ್ರೇಲಿ ಪ್ರಧಾನಿ ಖಡಕ್ ಎಚ್ಚರಿಕೆ ರವಾನಿಸಿದ್ದಾರೆ.. ಅಲ್ಲದೇ ಈ ದಾಳಿಯನ್ನು ಶತ್ರು ದೇಶಗಳು ದಶಕಗಳವರೆಗೆ ನೆನಪಿಸಿಕೊಳ್ಳಬೇಕು ಎಂದು ಬೆಂಜುಮಿನ್ ನೆತಬ್ಯಾಹು ಎಚ್ಚರಿಸಿದ್ದಾರೆ.. ಅಲ್ಲದೇ ಐಸಿಸ್‌ನಂತಹ ಭಯೋತ್ಪಾದಕ ಸಂಘಟನೆಯಾದ ಹಮಾಸ್ ಅನ್ನು ಜನರು ಒಗ್ಗೂಡಿ ಸೋಲಿಸಬೇಕು ಎಂದು ಆಗ್ರಹಿಸಿದ್ದಾರೆ. ಈ ಪ್ರತೀಕಾರದ ಭಾಗವಾಗಿ ಇಸ್ರೇಲ್ 3,00,000 ಸೈನಿಕರನ್ನು ಸಜ್ಜುಗೊಳಿಸಿದ್ದು, 1973 ರ ಯೋಮ್ ಕಿಪ್ಪೂರ್ ಯುದ್ಧದ ನಂತರ ಇಸ್ರೇಲ್ ಈ ಮಟ್ಟಕ್ಕೆ ಯುದ್ಧಕ್ಕೆ ಮುನ್ನುಗುತ್ತಿದೆ ಎಂದು ವರದಿಯಾಗಿದೆ.