ರಷ್ಯಾ: ರಷ್ಯಾದಲ್ಲಿ ಅಧ್ಯಕ್ಷೀಯ ಚುನಾವಣೆಗೆ ಮತದಾನ ನಡೆಯುತ್ತಿದೆ. ಕೇರಳದಲ್ಲೂ ಕೂಡ ಮತದಾನ ನಡೆದಿದೆ.ರಷ್ಯಾದಲ್ಲಿ ಮಾತ್ರವಲ್ಲ, ವಿಶ್ವದ ಎಲ್ಲೆಲ್ಲಿ ರಷ್ಯಾದ ನಾಗರಿಕರು ಇದ್ದಾರೆ, ಅವರು ತಮ್ಮ ಮತವನ್ನು ಚಲಾಯಿಸುತ್ತಿದ್ದಾರೆ. ಗುರುವಾರ ಕೇರಳದಲ್ಲಿ ಮತದಾನ ನಡೆದಿದೆ.
ಕೇರಳದಲ್ಲಿ ವಾಸಿಸುವ ರಷ್ಯಾದ ನಾಗರಿಕರು ಗುರುವಾರ ರಷ್ಯಾದ ಅಧ್ಯಕ್ಷೀಯ ಚುನಾವಣೆಗೆ ತಿರುವನಂತಪುರದಲ್ಲಿ ಮತ ಚಲಾಯಿಸಿದ್ದಾರೆ. ಇಲ್ಲಿನ ರಷ್ಯನ್ ಹೌಸ್‌ನಲ್ಲಿರುವ ರಷ್ಯಾದ ಒಕ್ಕೂಟದ ಗೌರವ ದೂತಾವಾಸದಲ್ಲಿ ವಿಶೇಷವಾಗಿ ವ್ಯವಸ್ಥೆಗೊಳಿಸಲಾದ ಮತಗಟ್ಟೆಯಲ್ಲಿ ಅವರು ಮತ ಚಲಾಯಿಸಿದರು.
ರಷ್ಯಾದ ಗೌರವಾನ್ವಿತ ಕಾನ್ಸುಲ್ ಮತ್ತು ತಿರುವನಂತಪುರಂನಲ್ಲಿರುವ ರಷ್ಯನ್ ಹೌಸ್‌ನ ನಿರ್ದೇಶಕ ರತೀಶ್ ನಾಯರ್ ಅವರು ರಷ್ಯಾದ ಅಧ್ಯಕ್ಷೀಯ ಚುನಾವಣೆಗೆ ಮೂರನೇ ಬಾರಿಗೆ ಮತದಾನವನ್ನು ಆಯೋಜಿಸಿದ್ದಾರೆ ಎಂದು ಹೇಳಿದರು.
ಈ ಕುರಿತು ರತೀಶ್ ನಾಯರ್ ಮಾತನಾಡಿ, ರಷ್ಯಾದ ಅಧ್ಯಕ್ಷೀಯ ಚುನಾವಣೆಗೆ ರಷ್ಯಾದ ಒಕ್ಕೂಟದ ಕಾನ್ಸುಲೇಟ್ ಜನರಲ್ ಮತದಾನವನ್ನು ಆಯೋಜಿಸುತ್ತಿರುವುದು ಇದು ಮೂರನೇ ಬಾರಿ.
ರಷ್ಯಾದ ಒಕ್ಕೂಟದ ಕೇಂದ್ರ ಚುನಾವಣಾ ಆಯೋಗದೊಂದಿಗೆ ಸಂಬಂಧ ಹೊಂದಲು ನಮಗೆ ಸಂತೋಷವಾಗಿದೆ. ನಮ್ಮ ಹೊಸ ಅಧ್ಯಕ್ಷರನ್ನು ಆಯ್ಕೆ ಮಾಡುವ ಪ್ರಕ್ರಿಯೆಯಲ್ಲಿ ತಮ್ಮ ಮತವನ್ನು ಚಲಾಯಿಸಲು ಅವರ ಸಹಕಾರ ಮತ್ತು ಉತ್ಸಾಹಕ್ಕಾಗಿ ಕೇರಳದಲ್ಲಿರುವ ರಷ್ಯಾದ ನಾಗರಿಕರಿಗೆ ನಾನು ಅತ್ಯಂತ ಕೃತಜ್ಞನಾಗಿದ್ದೇನೆ ಎಂದಿದ್ದಾರ
ಈ ಬಾರಿಯೂ ವ್ಲಾಡಿಮಿರ್ ಪುಟಿನ್ ಗೆಲುವು ಸಾಧಿಸಬಹುದು ಎಂದು ಮೂಲಗಳು ಹೇಳುತ್ತಿದೆ.ಮಾರ್ಚ್ 15 ರಿಂದ 17 ರವರೆಗೆ ಮತದಾನ ಮಾರ್ಚ್ 15 ಮತ್ತು 17, 2024 ರ ನಡುವೆ ರಷ್ಯಾದ ನಾಗರಿಕರು ಅಧ್ಯಕ್ಷೀಯ ಚುನಾವಣೆಗಳಿಗೆ ಮತ ಹಾಕುತ್ತಾರೆ. ಪುಟಿನ್ ವಿರುದ್ಧ ಒಟ್ಟು ಮೂವರು ಅಭ್ಯರ್ಥಿಗಳು ಚುನಾವಣೆಯಲ್ಲಿ ಸ್ಪರ್ಧಿಸಿದ್ದಾರೆ.