ಪಾಕಿಸ್ತಾನ: ಲಷ್ಕರ್‌ ಇ ಜಬ್ಬಾರ್‌ ಉಗ್ರ ಸಂಘಟನೆಯ ಸ್ಥಾಪಕ, ಭಾರತದ ಮೋಸ್ಟ್‌ ವಾಂಟೆಡ್‌ ಭಯೋತ್ಪಾದಕ ಮೌಲಾನಾ ಮಸೂದ್‌ ಅಜರ್‌ ನ ನಿಕಟವರ್ತಿ ದಾವೂದ್‌ ಮಲಿಕ್‌ ನನ್ನು ಉತ್ತರ ಪಾಕಿಸ್ತಾನದ ವಝಿರಿಸ್ತಾನದಲ್ಲಿ ಅಪರಿಚಿತ ವ್ಯಕ್ತಿಗಳ ಗುಂಡಿನ ದಾಳಿಗೆ ಬಲಿಯಾಗಿರುವುದಾಗಿ ವರದಿಯಾಗಿದೆ.
ವರದಿಯ ಪ್ರಕಾರ, ಉತ್ತರ ಪಾಕಿಸ್ತಾನದ ವಝಿರಿಸ್ತಾನದ ಮಿರಾಲಿ ಪ್ರದೇಶದಲ್ಲಿ ದಾವೂದ್‌ ಮಲಿಕ್‌ ನನ್ನು ಮುಸುಕುಧಾರಿ ಗನ್‌ ಮ್ಯಾನ್‌ ವ್ಯಕ್ತಿಗಳು ಗುಂಡು ಹಾರಿಸಿ ಹತ್ಯೆಗೈದಿರುವುದಾಗಿ ತಿಳಿಸಿದೆ. ಖಾಸಗಿ ಕ್ಲಿನಿಕ್‌ ವೊಂದಕ್ಕೆ ಮಲಿಕ್‌ ಆಗಮಿಸಿದ್ದ ವೇಳೆ ಬೆನ್ನಟ್ಟಿ ಬಂದಿದ್ದ ಹಂತಕರು ಏಕಾಏಕಿ ದಾಳಿ ನಡೆಸಿ ಪರಾರಿಯಾಗಿರುವುದಾಗಿ ಹೇಳಿದೆ.
ತೀವ್ರಗಾಮಿ ಸಿದ್ಧಾಂತಗಳನ್ನು ಬೆಂಬಲಿಸುವ ಲಷ್ಕರ್‌ ಎ ಜಬ್ಬಾರ್‌ ಭಯೋತ್ಪಾದಕ ಸಂಘಟನೆ ಹಲವಾರು ಭಯೋತ್ಪಾದಕ ಚಟುವಟಿಕೆಯಲ್ಲಿ ಭಾಗಿಯಾಗಿತ್ತು ಎಂದು ವರದಿ ತಿಳಿಸಿದೆ.